За неполна година во Дортмунд, Германија на дело се покажа слогата, љубовта и единството на Mакедонците во таа околина и пошироко.
Имено, црковниот одбор со протојереј Душко, организирано и посветено сите донации ги наменија за градба на нова црква.
Црковната општина Св.Кирил и Методиј во Дортмун постои 30 години и ланската година се започна, а сега веќе скоро надворешно е изградена новата црква.
Претстои внатрешно уредување и апел до сите кои сакаат и можат да помогнат.
„Упорноста, ангажираноста на Црковниот одбор и советите и идеите од постарата генерација се покажаа делотворни. Благодарение на верниот народ кои несебично донираат црквата интензивно се гради“, вели протореј Душко Пецов за „еМагазин“ и упати апел и понатаму да се продолжи со донации како во блиска иднина би се осветил храмот.