Повеќе од една четвртина од населението: Поради војната 10 милиони Украинци ги напуштиле домовите

Високиот комесаријат за бегалци на Обединетите нации (УНХЦР), Филипо Гранди објави дека досега 10 милиони луѓе ги напуштиле своите домови во Украина, како резултат на руската воена операција, што е повеќе од една четвртина од нејзиното население.

– Меѓу одговорностите на оние кои се во војна, насекаде низ светот, е и страдањето на цивилите кои се принудени да ги напуштат своите домови. Војната во Украина е толку разорна што 10 милиони луѓе побегнаа, се раселени во земјата или побегнаа во странство, напиша Гранди на Твитер, објави Би-Би-Си.

Руската воена операција во Украина почна на 24 февруари и оттогаш милиони луѓе побегнаа во соседните земји. Само Полска прими повеќе од два милиона украински бегалци.

ПОВРЗАНИ ВЕСТИ

(Видео) Ни куршумите во воздух повеќе не ги плашат: Украинците продолжуваат со протест против Русите во окупираните делови

(Видео) Украина пред и по војната

МИА/Фото: Украинско министерство за одбрана