Повоената обнова на Украина ќе чини од 500 до 600 милијарди евра, изјави заменичката директор на Светската банка, Ана Бјерде, пренесуваат американските медиуми.
„Претходно ние објавивме бројка, пресметана заедно со Европската комисија и Владата на Украина, колку пари ќе бидат потребни за обнова на Украина и таа да се приближи до европските стандарди, на пример во енергетска ефикасност.
Според состојбата заклучно со почетокот на јуни, таа цифра беше 350 милијарди евра,“ изјави Бјерде.
Според неа, оттогаш таа бројка значително пораснала, приближувајќи се до сегашната оценка.
МИА/Фото: Фејсбук/Зеленски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.