Давателот на универзалната услуга, Пошта на Северна Македонија АД – Скопје повторно започна со прием и испраќање на мали пакети и препорачани пратки до два килограми кои содржат предмети/стока за Соединетите Американски Држави.
За навремено пристигнување пратки во одредишните земји ширум светот, од националната Пошта потсетуваат на обврската за точно и прецизно пополнување на царинската декларација образец CN 22/23.
Начинот на пополнување е достапен на веб страната на Пошта.
-Напоменуваме дека, авиокомпаниите преку кои се транспортираат поштенските пратки, сé уште вршат промени на летовите на дневна или неделна основа, па со оглед на тоа очекувани се задоцнувања во транспортот, велат од националната Пошта.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.