Неколку пожари избија денеска низ Македонија.
Како што информираа од Центарот за управување со кризи пожар има кај селото Сопотница, демирхисарско, а поради опасност пожарот да навлезе во високо квалитетна шума упатен е Ер трактор на Дирекцијата за заштита и спасување.
Голем пожар изби и во близина на Дојран кон Николиќ. Поради ветрот постои опасност од негово брзо ширење.
Кон Дојран е упатен големиот хеликоптер на МВР со ведро под три тона.
Голем пожар избувна денеска на пладне и во непосредна близина на Свети Николе, кај месноста Кривчева река.
Поради опасноста огнот да ги зафати блиските штали и викендички, во гаснењето беа активирани и два хеликоптери на МВР, а на терен се припадници на противпожарната единица од Свети Николе и доброволното противпожарно друштво.
Гори сува трева и ниска вегетација.
Фото: МВР