Познатата хрватска писателка Ведрана Рудан во својата колумна „Европејка во Белград“ раскажа како се случило да се вакцинира во Белград.
Таа се осврнува и на состојбата со вакцинирање во нејзината држава Хрватска, која е дел од ЕУ, а се уште нема достапност до вакцини. Од друга страна пак Србија, која во Хрватска во однос на вакцините ја „обвинуваат дека шурува со Кина, Русија“, нуди можност за вакцинирање и тоа со која вакцина сакате.
„Малку е да се каже дека луди од среќа прошетавме по Кнез Михајлова. Што е ова? Кафулиња? Кафулиња! Отворени кафулиња?! Влеговме во еден. Испивме кафе како луѓе после којзнае колку време. Кое чувство.
Среќа, среќа, среќа. А тогаш те фаќа тага. Ќе се вратиме во заклучен град и заклучена земја, меѓу луѓе кои од своите политичари и Европа очекуваа спас, а добија…
Овде во Хрватска, за вакцините во Србија се вели дека „седи на неколку столчиња“, „шурува“ со Кинези, Руси и со сите од кои може да купи вакцини. За разлика од Хрватска која не „шурува“ со никој. Хрватска седи на една столица, седи на задник и закочена чека милост од своите господари. Овие дена е кристално јасно, дека тоа е залудно.
За три недели ќе одиме по втора доза. Повторно слободно ќе пиеме кафе, меѓу непознати со пријатели.
Ако ја доживеам и втората доза, ќе ја тргнам маската, ќе го бакнам внукот и ќе му кажам дека тоа му е белградски бакнеж од баба му,“ пишува меѓудругото во колумната.
Фото: Фејсбук/Ведрана Рудан