Министерката за образование Мила Царовска на денешната прес-конференција за отчет 100 дена Влада, истана дека предметот историја ќе се спои во општествени науки, исто како што биологија и хемија се интегрираат во природни.
Таа потврди дека промените, односно реформите во образованието ќе започнат од основно, при што е предвидено повеќе време во училиште, помалку предмети, спојување на повеќе предмети во еден, повеќе интеракција помеѓу наставниците и учениците и помеѓу самите ученици.
„Стигнавме до концепција, модел кој наликува на Финска, па оттаму доаѓаме до училиште кое ни овозможува да учиме. Нашите ученици учат многу предмети, но не знааат да ги поврзуваат,“ рече Царовска и оттука најавеното спојување на некои предмети.
Таа потенцира дека е потребен концепт на преминување од фактичко учење кон размислување или училиште во коешто ќе се учи најзначајното.
– Тоа се новите генерации коишто треба да учат помалку факти, но многу повеќе да размислуваат, да анализираат различна литература и да донесуваат одлуки врз основа на анализите коишто самостојно ги направиле, вели министерката.
МИА/Фото: Влада