Министерот за здравство, Венко Филипче на својот Фејсбук профил бјави фотографија од 24- годишниот Борјан кој даруваше крвна плазма за да им помогне на заболените од Ковид-19.
Филипче информира дека станува збор за излекуван пациент од овој непредвилив вирус и без размислување се одлучил да дарува конвалесцентна плазма за да спаси човечки живот.
„Горд сум што во овие тешки денови со светската здравствена криза на дело ги покажуваме нашата хуманост и грижа“, вели Филипче.
За Борјан дарувањето на крвна плазма не е хуманост, ниту пожртвуваност, туку минимален чин на одговорност кој секој од нас е должен да го понесе за да им помогне на оние кои им е најмногу потребно – заболените од корона вирусот.
„Оној којшто спасува еден човечки живот, го спасува целото општество. Но, исто така преку дарувањето на конвалесцентна плазма им даваме и силна поддршка за белите мантили кои секојдневно се изложуваат на ризик во првите борбени редови против светската пандемија. Да ги спасиме нашите родители, баба и дедо“, вели Борјан.
Фото:Фејсбук/Филипче