Во насока на ефикасно спроведување на мерките на Владата, Министерството за здравство и Општинскиот кризен штаб, а со цел заштита на здравјето на граѓаните, пред експозитурите на банките и маркетите во градот, Општина Прилеп постави налепници за одржување на препорачаното растојание меѓу граѓаните од минимум два метра, соопшти градоначалникот Илија Јованоски преку Фејсбук.
„Истовремено, во обезбедување на редот пред банките и маркетите, каде и покрај бројните апели за држење на растојание се создаваат непотребни гужви, од денеска ќе бидат вклучени и претставници на Армијата на Република Северна Македонија“, напиша Јованоски.
ПОВРЗАНИ ВЕСТИ
„Отиде“ Македонија додека банките најдат „алтернативен“ начин за исплата на пензиите во готово
Народната банка даде препораки за избегнување на турканиците пред банките
Банките апелираат граѓаните да ги почитуваат насоките за раздалеченост додека се реорганизираат
Фото: Фејсбук/Јованоски