Во ноември, продолжи трендот на намалување на просечната каматна стапка на вкупните кредити, којашто оствари месечен пад од 0,02 п.п. и изнесува 5,40%, информира Народната банка.
„Просечната каматна стапка на вкупните депозити се сведе на ниво од 1,42% и во однос на претходниот месец забележа намалување од 0,01 п.п.
Просечната каматна стапка на одобрување нови кредити, во текот на ноември, забележа месечен пад од 0,17 п.п. и изнесува 4,75% и со тоа се сведе на историски најниското ниво, анализирано од 2005 година наваму. Кај просечната каматна стапка на новопримените депозити е забележан месечен раст од 0,21 п.п. и таа изнесува 1,59%“, информираат од НБРМ.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.