Продолжува трендот на намалување на просечната каматна стапка на вкупните кредити. Народната банка денеска објави дека во април е забележано намалување и оти просечната каматна стапка на вкупните кредити изнесува 4,58 проценти.
Кај вкупните депозити, забележан е минимален месечен раст. Просечната каматна стапка во април изнесува 0,90 проценти.
Во соопштението што денеска го објави Централната банка се наведува дека кај новоодобрените кредити, просечната каматна стапка е повисока за 0,15 проценти поени на месечно ниво и оти изнесува 4,09 проценти, а кај новопримените депозити изнесува 0,62 проценти и има месечен пад од 0,14 процентни поени.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.