Генералниот директор и претседател на Управниот одбор на македонската компанија Алкалоид, Живко Мукаетов во интервју за регионалната телевизија N1, вели дека секоја земја на Балканот има некоја своја филозофија и начин како се поставени законите, па затоа треба да се работи на хармонизација на законодавството.
Како што наведува, таксите и даноците се различни во блиски земји и додава дека и покрај тоа што секоја од овие земји е членка на ЦЕФТА, се обидува да го заштити своето производство, што е контрапродуктивно, бидејќи компаниите треба да се борат на слободен пазар.
„Има некои сегменти кои се хармонизирани, но има некои кои не се и треба да се работи на тоа. Застојот на границите е контрапродуктивен, гужви, документи, средства кои компаниите ги трошат за бирократија…„, вели Мукаетов и подвлекува дека треба да се надмине суетата и да се најде подобар начин за сите страни, бидејќи сме мал пазар.
Целото интервју на N1 погледнете го во видеото: