На еден од наjпрестижните натпревари за џин во светот „The Gin Guide”, Смидџин, првиот македонски крафт џин, освои две златни медали и се вброи во најдобрите 6 џина во светот, информираат од таму.
Наградите се во две категории, во Категоријата на традиционални џина до 42% алкохол и во Географска категорија, каде има освоено највисоки оцени од сите пријавени од Европа и е прогласен за најдобар џин во Европа.
Вредно е да се спомене дека овој голем успех е постигнат во конкуренција од околу илјада пријавени џина од над триесет земји во светот и за да се постигне бара постојано високи оцени од судиите на неколку слепи дегустации.
„The Gin Guide” e најпознатиот независен водич за џин во светот. Постои од 2014 година, и преставува најголем и најреспектабилен независен водич како за љубителите, така и за производителите на овој пијалок.
Судии се едни од најеминетните мастер дистилери, дегустатори, миксологисти и сл.. Покрај судењето и самиот избор на судиите е доста сложен процес.