Сабота навечер. Викенд. Осум часот. Скопје. Се движам од Карпош накај Кисела Вода. Градот е буквално празен, се е затворено, а по улиците по некој полупразен автобус и по некоја кола.
Полициски автомобили патролираат.
Истиот амбиент и на враќање назад околу 11 часот. За прв пат ја видов култната пекара „Силбо“, која ми е во маало, празна. Во „Силбо“ и околу неа секогаш имаше луѓе. Значи, секогаш, во било кое време.
И преку ден ја немаше таа раздвиженост, типична за еден просечен викенд во Скопје.
Сликите ме шокираат, но и истовремено повеќе ме израдува високата свест на жителите на градот, дека сега нема ништо попаметно отколку да се биде дома. Со своите.
Да, ќе биде уште потешко, пред да биде подобро. Сега е време на сплотеност на сите, опасниот вирус сите подеднакво не засега. Тој не бира по боја, националност, пол, возраст…
Што ли не сме издржале, ќе го издржиме и ова! За подобро да ни биде.
Јавното здравје е заедничка одговорност. Од нас зависи!
ПОВРЗАНИ ВЕСТИ
„КАМ маркет“: „Ограничете го купувањето на неделни количини, бидете солидарни“
(Галерија) Секое возило кое влегува и излегува од Дебар и Центар Жупа се дезинфицира
Детална листа: Најнови мерки и заклучоци на Владата против корона вирусот
Фото: Град Скопје