еМагазин
Свет ТОП СТОРИИ

Анексијата финализирана: Путин ги потпиша законите за приклучување на четирите украински региони кон Русија

Рускиот претседател Владимир Путин денеска ги потпиша законите со кои четирите украински региони Доњецк, Луганск, Херсон и Запорожје се приклучуваат на Русија.

Како што пренесуваат странските агенции, овој потег на претседателот на Русија ја финализира анексијата извршена спротивно на меѓународното право.

На почетокот на неделава двата дома на рускиот Парламент ги ратификуваа договорите со кои четирите украински региони се приклучуваат кон Русија.

Формалностите следеа по „референдумите“ организирани од Кремљ во четирите региони, кои Украина и Западот ги отфрлија како лажни.

Рускиот претседател го назначи Денис Пушилин за вршител на должноста шеф на Народната република Доњецк, Леонид Пашечник за привремен шеф на Народната република Луганск, Евгениј Балицки за вршител на должноста гувернер на областа Запорожје и Владимир Саљд за привремен гувернер на регионот Херсон.

Вршителите на тие региони управуваат со териториите додека не се изберат шефовите на новите региони во согласност со руските закони на изборите следната година.

Законите, кои Путин ги потпиша денеска, конкретно ги дефинираат границите на новите конститутивни ентитети на Руската Федерација, според кои тие одговараат на оние што „постоеле на денот на нивното создавање и присоединување кон Русија“.

Тие прецизираат дека границите на новите субјекти со други земји ќе се сметаат за државни граници на Русија.

Според законите, жителите на новите региони се сметаат за руски државјани од денот кога териториите биле прифатени во Русија на 30 септември. Оние кои сакаат да се откажат од руското државјанство, сепак, имаат еден месец да аплицираат за тоа.

ПОВРЗАНИ ВЕСТИ

Путин прогласи четири украински региони за дел од Русија

МИА/Фото: Кабинет на Путин

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Воениот оркестар на Обединетото Кралство ја пречека министерката Петровска со „Јовано, Јованке“

Редакција

(Фото) Започна финалното одбројување до големото отворање на Diamond Mall – новиот трговски центар во строгиот центар на Скопје

Редакција

(Галерија) Европските амбасадори во Македонија ни го чистеа ѓубрето

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница