Рускиот претседател, Владимир Путин денеска изјави дека неговата воена кампања во Украина е успешна и нема да дозволи таа држава да биде „отскочна штица“ што би користела како закана кон Москва.
– Операцијата се одвива успешно и во строга согласност со плановите, истакна Путин за време на владин состанок.
Тој додаде дека Русија нема друг избор освен да испрати војници, „нема да дозволиме Украина да служи како отскочна штица за агресивни дејствија против Русија“.
– Ако Западот мисли дека Русија ќе се повлече, тогаш не ја разбира Русија, нагласи тој на 21-от ден од руската инвазија врз Украина.
Путин, исто така, тврдеше дека држењето на Русија под контрола е долгорочна политика на Западот и дека економските санкции против неговата држава се „кусогледи“.
ПОВРЗАНИ ВЕСТИ
(Вознемирувачко видео) 10 лица убиени во украинскиот град Чернигов додека чекале ред за леб
Вознемирувачки снимки од убиство на цивили во Украина
МИА/Фото: РТ