Бугарскиот претседател Румен Радев, за време на неговата посета на Рига, Летонија, оцени дека нема време Бугарија да го крене ветото за Македонија, пренесуваат бугарските медиуми.
„Во моментов нема време да се укине ветото, бидејќи протоколот мора да биде усвоен од двата парламента, рече Радев.
Француските предлози за решавање на спорот ги нарече како „најдобри досега“, не само за Бугарија, туку и „најправедни“.
Во врска со промената на македонскиот Устав и внесувањето на македонските Бугари, посочи дека во Бугарија никогаш не зборувале за малцинство, туку за рамноправност на македонските Бугари, која ја заслужувале.
-Прво да се смени уставот, па дури потоа да почнат преговорите, рече Радев.
Фото: Радев/Фејсбук
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.