Бугарскиот претседател Румен Радев денеска побара ветото за Македонија да остане сè додeка не се формира ново парламентарно мнозинство во Бугарија, пренесуваат бугарските медиуми.
Тој посочи и дека е важно ветото за Македонија да опстои во согласност со усвоената рамка на консултативниот Совет за национална безбедност.
„Политичката криза е факт. Но, за разлика од претходните кризи, оваа се одвива во услови на прогресивна инфлација, социјална, економска и прехранбена криза предизвикана од војната во Украина. Партиите застапени во парламентот мора што поскоро да најдат излез од ситуацијата, бидејќи ни треба одговорно и одржливо владеење.
Додека партиите бараат формирање на владејачко мнозинство, Владата мора да обезбеди социјални плаќања и поддршка на бизнисот.
Ветото за Северна Македонија да остане во согласност со рамката усвоена на консултативниот Совет за национална безбедност и да се обезбеди функционалност на државата“, изјави Радев.
Фото: Радев/Фејсбук