Владата на денешната седница го распиша наменскиот јавен оглас за доделување 5.722 хектари земјоделско земјиште во 14 региони, соопшти министерот за земјоделство, шумарство и водостопанство Љупчо Николовски.
Земјиштето ќе се дава исклучиво за одгледување стратешки култури: пченица, пченка, јачмен, сончоглед рж, ориз, маслодајна репка, добиточен грашок и тритикале.
Ќе се доделуваат, напомена министерот, 700 парцели од над три хектари.
Постапката за аплицирање ќе трае само 20 дена, а со јавното наддавање вкупно 30 дена.
-Ниту една обработлива површина не смее да остане незасадена. Храна мора да има, ќе го задржиме и ќе го зголемиме производството, ќе ја намалуваме зависноста од увоз, а цените ќе ги држиме на најниско можно ниво, рече Николовски.
Според него, на следните владини седници ќе следат и други огласи за останатото земјиште кое е на располагање.
ПОВРЗАНИ ВЕСТИ
Почнува поднесувањето барања за поддршка од земјоделскиот Интервентен фонд
МИА/Фото: Unsplash
Важно известување
Посети ја новата страница