Податоците на Институтот за јавно здравје (ИЈЗ) за периодот од 22 до 28 март покажуваат дека во Македонија за овој период има 7.418 нови позитивни случаи на Ковид-19.
“Тестирани се вкупно 24.904 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 1,6% во однос на минатата недела.
Регистрирани сe 7.418 нови позитивни случаи од 35 градови во државата со зголемување од 7,5% во однос на минатата недела.
Процентот на позитивност се движи од 21,6 до 33,2%, просечно 28,8%.
Најголем дел од регистрираните случаи се од Скопје (n=3.574; 48,2%), со неделна инциденца – 578,6/100.000.
Највисока неделна инциденца од 626,4/100.000 е регистрирана во Неготино (заедно со Демир Капија)“, стои во извештајот кој еМагазин редовно го пренесува.
ПОВРЗАНИ ВЕСТИ
За една недела 134 деца до 9 години се заразиле со Ковид-19
13 лица биле на возраст од 20 до 49 години: За една недела 204 смртни случаи од Ковид-19