Предметите на Специјалното јавно обвинителство (СЈО) за кои почнаа судски процеси, кои траат веќе со години, а за кои има епилог, се бројат на прсти.
За развлекувањето на судењата за случаевите на СЈО има сериозни забелешки и од меѓународни институции, не само од македонската јавност и граѓаните кои долго чекаат правда.
Дополнително во меѓувреме по мислењето на Врховниот суд, стана неизвесна судбината на предметите кои СЈО ги отвори по законскиот рок, предвиден со постоечкиот Закон за СЈО, а по отварањето на случајот „Рекет“ од страна на Јавното обвинителство и неговата силна рефлексија врз цело СЈО, се доведува во прашање и судбината на предметите за кои се во тек судски процеси и кои се процесионирани во предвидениот рок.
Вчера одбраната во случајот на СЈО, “Титаник3„, побара изземање на шефицата на СЈО во заминување, Катица Јанева и нејзините колеги, обвинителите Фатиме Фетаи и Гаврил Бубевски од предметот.
Барањето за изземање беше образложено со ставот дека тоа е поради последните случувања во СЈО и дека постои конфронтација меѓу обвинителката Јанева и обвинителите Фетаи и Бубевски, по отварање на „Рекет“.
Јанева со решение го одби барањето за изземање на Фетаи и Бубевски.
Пред неколку дена пак беше побарано изземање на Јанева и од друг случај на СЈО, „ТНТ“, каде таа е застапник на обвинението, заради сомнеж за поврзаност со случајот „Рекет“.
Нема да биде никакво изненадување вакви барања да има и во другите случаеви на СЈО, што дополнително ќе ги развлече судењата, а некои предмети можат да паднат како кула од карти.
ПОВРЗАНИ ВЕСТИ
Зошто до сега Боки 13 не бил на распит за “Рекет“?
Дали ќе стане осомничена или сведок: Катица Јанева конечно на распит за “Рекет“
Во СЈО фали уште да се „испотепаат“