Во финансиските извештаи на Македонската пошта (Пошта на Северна Македонија) се евидентирани кусоци од благајничко работење во износ од 136 милиони денари или околу 2,2 милиони евра кои се побарувања по основ на кражби, разбојништва и проневери, утврдиле во Државниот завод за ревизија по контролата на извештаите на поштата.
За кусоците од кои 100,4 милиони денари се од кражби, а останатите од проневери е евидентирана исправка на вредност од 65,9 милиони денари.
Ревизорите укажуваат дека овие побарувања не се проценети соодветно, бидејќи кај проневерите од вработени, дел од постапките за наплата на побарувањата биле запрена, а поштата не дала информации во однос на тоа какви се очекувања за поврат на парите од кражби, дали има судска постапка, дали е поведен граѓански спор и дали е направена проценка на вредноста на побарувањето.
Целиот извештај ТУКА.
ПОВРЗАНИ ВЕСТИ