Уметник од странство кој изработил 271 слика за потребите на ВМРО-ДПМНЕ во вкупна вредност од околу 380.000 евра со години не доставил фактура за извршената работа поради што сликите останале неплатени, откриваат Државните ревизори по контролата на редовната сметка на партијата.
Во извештајот се вели дека оваа состојба била констатирана уште во 2016 година и дека авторот согласно договорот требало да достави фактура до 30.06.2017 година врз база на која би се извршило плаќањето.
„Врз основа на сознанија добиени од одговорните лица во ВМРО-ДПМНЕ бевме информирани дека и покрај направените заложби од нивна страна за воспоставување комуникација со странското лице, истата не била остварена, поради што до денот на известувањето од извршената ревизија, состојбата е непроменета односно не е доставена фактура врз која би се извршило плаќањето“, пишува во извештајот.
Целиот извештај ТУКА.
ПОВРЗАНИ ВЕСТИ
Државните ревизори откриваат дека СДСМ преку правна постапка си го бара наследството
Државните ревизори откриваат дека ВМРО-ДПМНЕ на рати отплаќа милионски долгови
Важно известување
Посети ја новата страница