Русија е подготвена за преговори за предавање на Украина, но има свои услови

Москва е подготвена за преговори за предавање на Украина, соопшти синоќа Дмитриј Песков, портпарол на рускиот претседател.

Тој рече дека Путин е подготвен за преговори со претседателот на Украина, Володимир Зеленски, со фокус на „гаранциите за неутрален статус“ и „ветувањето дека нема да има оружје на територијата на Украина“.

– Тоа се условите кои ќе овозможат постигнување на „демилитаризација и денацификација на Украина“ и ќе го елиминираат она што Русија во моментов го смета за „закана за безбедноста на руската држава и народ“, рече Песков и додаде:

– Претседателот ја формулираше својата визија за тоа што би очекувале од Украина за да ги решиме горливите проблеми. Тоа е неутрален статус и одбивање да се инсталираат и користат системи за оружје.

ПОВРЗАНИ ВЕСТИ

(Вознемирувачки видеа) Првични снимки од нападот на Русија на Украина

Може ли руско-украинската војна да се прееле и на Баканот?

МИА/Фото: Руско министерство за одбрана