еМагазин
Image default
Свет ТОП СТОРИИ

Русија и Кина заедно против проширување на НАТО

Русија и Кина во заеднички став, го критикуваа „негативното влијание на САД во Европа и азиско-пацифичкиот регион“ и се спротивставија на „натамошното проширување на НАТО“, беше соопштено по денешната средба меѓу претседателите на двете земји, Владимир Путин и Си Џинпинг.

Средбата се одржа во Пекинг пред денешното отворање на Зимските олимписки игри во главниот град на Кина.

Во заедничкиот документ, Русија и Кина го повикаа НАТО „да се откаже од пристап заснован на Студената војна“ и изразија сериозна загриженост за одбранбениот сојуз меѓу Австралија, Велика Британија и САД.

„Вашингтон има негативно влијание врз стабилноста и мирот во азиско-пацифичкиот регион“, се додава во соопштението.

Во исто време, портпаролот на Путин, Дмитриј Песков, рече дека на САД не може да им се верува во однос на тензиите на руско-украинската граница.

– Би препорачал да не му се верува на Стејт департментот во овие работи, рече Песков, осврнувајќи се на наводите на американските разузнавачки служби дека Русија планирала да измисли напад од Украина за да создаде повод за напад на својот сосед.

МИА/Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Исчезнатиот 28-годишниот Миле Тодоров се бара и по манастири, во потрагата вклучен и хеликоптер

Редакција

Поради случајот со судијката Дуковска, Уставен ја одложи подготвителната седница за Законот за јазици

Редакција

Трет сомнителен случај: Патничката од Милано нема корона вирус

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница