еМагазин
Свет ТОП СТОРИИ

Русија претставува „директна закана“ за безбедноста на земјите на НАТО, вели Столтенберг

Русија претставува „директна закана“ за безбедноста на земјите на НАТО кои се собраа на самитот во Мадрид, изјави денеска генералниот секретар на Алијансата Јенс Столтенберг.

-На самитот, на кој за првпат од 2010 година треба да се ревидираат насоките на НАТО, ќе ставиме до знаење дека Русија претставува директна закана за нашата безбедност, нагласи Столтенберг.

Лидерите на НАТО на самитот во Мадрид треба да го усвојат новиот Стратешки концепт за следните 10 години, што ќе ги дефинира безбедносните предизвици со кои се соочува Алијансата и ќе ги наведе политичките и воените задачи што НАТО треба да ги изврши за да ги реши.

Во последниот Стратешки концепт усвоен во 2010 година, Русија беше дефинирана како стратешки партнер на НАТО.

-Тоа нема да биде случај во стратешкиот концепт за кој ќе се договориме во Мадрид. Очекувам сојузниците јасно да кажат дека Русија претставува директна закана за нашата безбедност, нашите вредности, меѓународниот поредок заснован на правила, изјави претходно Столтенберг.

За него самитот во Мадрид е историски, бидејќи НАТО минува низ „најсериозната безбедносна криза од Втората светска војна“.

Столтенберг нагласи дека очекува наскоро ратификација на шведското и финското членство во воената алијанса.

-Ќе донесеме одлука на самитот да ги поканиме Шведска и Финска да станат членки, со брзина невидена досега, изјави тој за новинарите на почетокот на вториот ден од самитот во Мадрид.

ПОВРЗАНИ ВЕСТИ

Ердоган даде амин за влез на Шведска и Финска во НАТО

(Фото) Ве набљудуваме: Русија испрати „честитка“ до НАТО со координатите на центрите на моќ

МИА/Фото: Столтенберг/Фејсбук

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Доктор Пановски: Зошто лицата со антитела ги терате да се вакцинираат во периодот кога нивната природна заштита е најизразена?

Редакција

(ВИДЕО) Незаборавните улоги на легендарната Милена Дравиќ

Редакција

За ПЦР-тестови во приватното здравство граѓаните потрошиле околу 20 милиони евра, откриваат државните ревизори

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница