Специјалното јавно обвинителство (СЈО) денеска соопшти дека е подготвено веднаш да ги предаде предметите по кои постапува со сите списи и докази на Јавното обвинителство.
„Ја известуваме јавноста дека од страна на Јавното обвинителство на Република Северна Македонија доставен е допис во кој е наведено дека согласно член 6, став 5 од Законот за
Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, неопходно е ова Обвинителството да преземе дејствија за предавање на предметите во Јавното обвинителство.
Постапувајќи по дописот, до Јавното обвинителство доставено е известување дека Јавното обвинителство за гонење на кривични дела поврзани и кои произлегуваат од содржината на незаконското следење на комуникациите е подготвено веднаш да ги предаде предметите по кои постапува со сите списи и докази.
За останатите детали околу примопредавањето ќе известиме дополнително“, се вели во соопштението објавено на нивната веб-страна.
ПОВРЗАНИ ВЕСТИ
Ристоска не губи надеж: СЈО се уште постои, верувам дека ќе се најде извесно законско решение
Кои актуелни функционери ги гони СЈО?
Колку и кои предмети СЈО треба да ги предедаде на Јавното обвинителство?