Во Црна Гора во екот на сезоната престојуваат малку повеќе од 15.000 туристи што е за 92 проценти помалку во однос на истиот период минатата година, покажуваат податоците на Националната туристичка организација.
Хотелиерите и сопствениците на туристички апартмани велат дека речиси ги преполовиле цените, со цел да останат барем на позитивна нула.
Тие не очекуваат да имаат подобра заработка во остатокот од сезоната.
Во најјужниот црногорски град Улцињ, угостителите велат дека немаат ниту пет проценти од минатогодишниот промет. Стариот град не бил толку празен со децении.
Стариот град во Улцињ, инаку најпосетуваното место во текот на летните месеци, годинава е целосно пуст. Речиси никој не поминува, рестораните се празни, а во музеите нема посетители, јавуваат локалните медиуми.
МИА/Фото: rtmagazine.com