Пополнети се капацитетите на инфективното одделение во кумановската општа болница, соопштија денеска надлежните од установата. Од вкупниот капацитет од 18 легла, исполнети се седумнаесет, изјави денеска директорката на кумановската болница, д-р Снежана Захариева.
„Десет пациенти се на кислородна поддршка, што значи дека се со средно тешка до тешка клиничка слика. Останатите пациенти се со средна клиничка слика. Наплив има и во амбулантното одделение каде пациентите доаѓаат, примаат терапија и се пуштаат на домашно лекување.
Пациентите од кумановско кои се позитивни на Ковид 19, без разлика на нивната состојба се во постојана комуникација и контакт со нашите инфектолози“, изјави Захариева.
Во овој период четири медицински сестри од инфективното одделение се позитивни на Ковид 19, што е една смена во болницата. Захариева вели дека се ангажираат сестри од другите одделенија од болницата кои помагаат на инфективното одделение.
МИА/Фото: МЗ
ПОВРЗАНИ ВЕСТИ
По скринингот за корона вирусот, негативни сите 58 тестови на вработените во градинката во Делчево
Во Дебар пет новозразени со корона вирусот, активни на болеста 10 лица
Нов позитивен случај на корона вирусот во штипска конфекција, која може да биде нов кластер
Важно известување
Посети ја новата страница