Сообраќајната полиција вчера на територијата на Град Скопје изрече вкупно 301 санкција, од кои 69 за пречекорување на дозволената брзина на движење, 14 мерки за возачи кои поминале на црвено светло и 22 за технички неисправни возила, соопшти МВР.
Изречени се 10 санкции за користење мобилен телефон, санкционирани се пет мотоциклисти, 64 за непрописно паркирање, 63 возила се подигнати со „пајак“, а за неносење на заштитна маска казнети се 42 лица.
Од МВР истакнуваат дека засилените сообраќајни контроли продолжуваат и во наредните денови. Апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.
Фото: МВР
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.