Манифестацијата „Тиквешки гроздобер” годинава нема да се одржи поради превентивните ковид-мерки, одлучи Советот на општина Кавадарци.
Советниците денеска на седница одлучија да ја изземат оваа точка од дневниот ред.
Според програмата, манифестацијата требаше да биде тридневна и да се организира во септември.
Предвидени беа дегустации на традиционална храна и тиквешки пијалоци, изложба на олдтајмери, два карневала, како и забавно-музичка програма.
МИА/Фото: Општина Кавадарци
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.