Во блок-трансакција вредна 17,4 милиони денари или околу 283.000 евра вчера на Македонската берза се продадоа 153 акции од „Реплек“.
Акциите се продадоа по цена од 113.839 денари за акција.
Продажбата доаѓа во пресрет на продолжението на седницата на Собрание на акционери на која треба да се расправа за работењето на менаџментот на компанијата, а којашто е закажана за задутре (22 април).
Поради акционерските несогласувања во „Реплек“ во изминатиов период има голема побарувачка за акции, што поттикна пораст на вредноста на акцијата.
Последната битка меѓу крупните акционери околу превласт во компанијата најверојатно ќе се води утре за кога е закажана јавна берзанска аукција на пакет од 1.783 акции издадени од „Реплек“ што претставува 6,88% од основната главнина на друштвото.
Почетната продажна цена изнесува 135.000 денари по акција преку моделот „се или ништо“.
ПОВРЗАНИ ВЕСТИ
„Тепачка“ за акции од „Реплек“: Продаден блок вреден 93.000 евра
Предложени четири кандидати за Надзорниот одбор на „Реплек“
Акцијата на „Реплек“ стана повредна од злато: Следува ли битка за менаџерските позиции?
На продажба пакет од 1.783 акции на Реплек преку моделот “се или ништо“