Автобус со новосадски регистарски ознаки се запалил на граничниот премин Табановце попладнево околу 16 часот, потврдија од СВР Куманово.
Патниците веднаш биле евакуирани, а на терен пристигнала и противпожарната единица од Куманово. Не се познати причините за опожарувањето на автобусот.
Екипи на територијалната противпожарна единица Куманово со две возила успеале да го изгасат пожарот.
– Пожарот е локализиран, изјави командирот на ТППЕ Куманово, Дејан Илиевски.
Увид се уште вршат увидни екипи на СВР Куманово.
Од Граничниот премин Табановце, информираат дека нема застој и сообраќајот се одвива тековно.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.