Центарот за јавно здравје во Куманово во последниве 24 часа евидентира девет нови случаи со Ковид-19. Од новозаболените седум се од Куманово, а двајца се од Липково, соопштија денеска надлежните од јавната здравствена установа.
Девет пациенти се оздравени, а починат е еден пациент на возраст од 63 години.
– Сите новозаболени се од познати кластери, изјави директорот на Центарот за јавно здравје во Куманово, Ариф Љатифи.
Извршени се 24 тестирања од кои 20 по „МојТермин“ и четири епидемиолошки тестови.
Од почетокот на пандемијата во кумановско-липковскиот регион, Ковид дијагностицирани се 1.410, а во моментов активни се 361 случај.
ПОВРЗАНИ ВЕСТИ
Починаа пет пациенти од Ковид-19, најмладата има 46 години
Нови 119 случаи на Ковид-19 од 2.065 тестирања, половината од Скопје
Три скопски општини со по над 100 активни случаи на Ковид-19
МИА/Фото: Општина Куманово