Медиумите вчера јавија дека секретарот во охридската болница, Антонио Наумоски се вакцинирал против Ковбид-19, што е спротивно на планот за вакцинација, односно дека први треба да се вакцинираат здравствените работници.
Министерот за здравство Венко Филипче, најави санкции и ја осудува злоупотребата и прекршувањето на приориртетите за вакцинирање согласно Националниот план за вакцинација.
„Ниту едно лице кое не се наоѓа во групата која во моментов има приоритет за вакцинирање, а тоа се само здравствените работници кои работат во Ковид центрите и со ковид пациенти не смее да се вакцинира.
Листите за вакцинација беа доставени од страна на директорите на секоја здравствена институција и истите уште утре веднаш ќе бидат ревидирани, а оние кои направиле злоупотреби ќе бидат соодветно санкционирани,“ вели Филипче.
Фото: МЗ