Отец Оливер Петровски од хуманитарната организација Свети Спас, информираше дека хуманитарната акција за семејството кое живее под мост е успешна, затоа што е пронајдена куќа каде што ќе може да се сместат.
„Успеавме!!! Секоја чест на секој од вас!!! Повеќе не се „семејството што живее под мостот“ затоа што од денес нема да мрзнат на студот. Во куќата во која се сместени ги има сите услови, но нѝ фали машина за перење, па се надевам дека некој од вас ќе се пријави да донира. Исто така, потребен е мобилен телефон за да бидеме во контакт со нив…
Сепак, мора да нагласиме дека ова е само привремено решение, а трајното решение мора да го пронајде Владата и надлежното министерство“, напиша отец Оливер.
ПОВРЗАНИ ВЕСТИ
Власта му ја укинала минималната социјалната помош на семејството што живееше под мост
Фото: Хуманитарна организација „Св.Спас“