Штериева: Се бара начин како да се исплатат пензиите без одење по шалтери

Банките почнаa консулатации со Владата за тоа како да се изврши исплатата на пензиите по новонастанатата ситуација со коронавирусот.

„Од понеделник влегуваме во последната недела од месецот што значи дека се ближи исплатата на пензиите. Сите знаеме како изгледаат банкарските шалтери кога се исплаќаат пензиите, а во моментот токму оваа категорија од населението е најранлива од аспект на изложеност на вирусот.

Поради тоа од вчера започнавме интензивна комуникација со Владата за изнаоѓање начин за безбедна исплата на пензијата на сите пензионери кои ќе сакаат да ја подигнат својата пензија во готовина“, рече Маја Стевкова Штериева, претседател на Македонската банкарска асоцијација.

Таа додаде дека за изнајденото решение дополнително ќе информираат.

МИА/Фото: МБА

ПОВРЗАНИ ВЕСТИ

Казнете ги продавниците, маркетите, аптеките, пазарџиите… кои сега во најтешкото ќе ги зголемат цените

Детален преглед: Прв сет економски мерки на Владата за ублажување на последиците од коронавирусот

За амортизирање на ударот од корона вирусот: Државата да се задолжи, банките да понесат дел од товарот