Што доживеавме, ЕУ да не дискриминира за вакцини

Просто неверојатно звучи информацијата дека т.н. ковид-пасош за слободно движење низ Европската Унија (ЕУ), кој станува реалност, ќе важи само за вакцините кои ги одобрила Европската комисија за лекови (ЕМА), а не и за руските или кинеските, иако истите се покажаа ефикасни и моментално низ светот се барани на големо, а истите се користат и ќе се произведуваат и во ЕУ.

ПОВРЗАНИ ВЕСТИ

Европските „ковид-пасоши“ ќе важат само за вакцините кои ги одобрила Европската комисија за лекови

За овој предлогот во Унијата ќе расправаат на 17 март, а во меѓувреме не стивнуваат реакциите дека вакво нешто доаѓа од ЕУ, во која секојдневно и самите членки се обвинуваат за нефер распределба на вакцините против Ковид-19, но и за тајни договори за набавка.

Во време кога се „води војна“ за вакцини и спас на човечки животи, ЕУ освен што себично „собра“ поголем дел од вакцините кои се на располагање, пред светот прикажа и нефункционалност, неединство, а сега и директна дискриминација не само за граѓаните надвор од ЕУ, туку и за сопствените.

Да не заборавиме дека на почетокот на пандемијата прво Италија, а потоа и Шпанија беа оставени сами на себе во „кошмарот“ што ги снајде, па можеби и држи тезата дека уште еден вирус како Ковид-19 ќе значи и „крај“ на Унијата.

ПОВРЗАНИ ВЕСТИ

Вакцинација, негативен ПЦР тест или антитела – основните елементи нa „Дигиталниот зелен сертификат“ за движење низ ЕУ

Фото: МЗ