„Слободен печат“: Скопјанец по грешка прими втора наместо прва доза од „Спутник V“, ќе се ревакцинира со првата

Министерството за здравство потврди дека кај нив е пријавен случајот на скопјанецот од критичната државна инфраструктура, кој наместо првата ја примил втората доза од руската вакцина „Спутник V“, која има различен вектор од првата, и преку Комисијата за имунизација даде препораки за конкретниот случај, пишува „Слободен печат“.

„Согласно достапните научни сознанија за ефикансоста во однос на начинот на делување на „Спутник V“, секундарен имун одговор се стекнува по примање на втора (бустер) доза со различен вектор.

Со оглед на фактот што вакцинацијата е спроведена со вакцината „Спутник V“, компонент II, земајќи го предвид горенаведното потребно е да се комплетира вакцинацијата со примање на втората доза на вакцината „Спутник V“, компонент I“, велат од Министерството.

Фото: МЗ