Снимателот на Фокс њуз, Пјер Закрзевски, загина во Украина, откако било погодено со рафален оган возилото во кое патувал, објави американската мрежа на својата веб-страница.
Закрзевски известуваше со друг новинар на Фокс њуз, Бенџамин Хол, вчера кога беа нападнати во близина на главниот град Киев. Хол останува во болница.
Претходно, украинските власти објавија дека најмалку тројца новинари се убиени, а повеќе од 30 се повредени од почетокот на руската инвазија на Украина.
Покрај американскиот новинар Брент Рено, руски војници убиле и двајца украински новинари, објави во вторникот на Телеграм украинската омбудсманка Људмила Денисова, јави ДПА.
ПОВРЗАНИ ВЕСТИ
(Вознемирувачко видео) Американецот Брен Рено е првиот странски новинар убиен во Украина
МИА