Времето денеска ќе биде сончево и потопло со мала локална облачност и со слаб до умерен ветер од северен правец, соопшти Управата за хидрометеоролошки работи (УХМР).
Утринските температури ќе се движат од минус 3 до 4 степени, а дневните од 13 до 23 степени.
Во Скопје и околината времето ќе биде сончево и потопло со утринска температура до 2 степени, а дневна до 22 степени.
УХМР најавува дека до петок ќе преовладува претежно сончево време и наутро постудено, а преку денот со се повисоки температури.
Во сабота облачноста ќе се зголеми и ќе има услови за слаб локален дожд.
Врнежите ќе бидат пообилни во недела и понеделник кога ќе дува засилен северен ветер и ќе има позначително спуштање на температурите.
Фото: Град Скопје
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.