Демократската унија за интеграција (ДУИ) во партиското седиште во Мала Речица денеска одржува состанок на Претседателството во пресрет на утрешното Централно собрание.
Според информации од партијата на Претседателството се повикани и претставници на партиските ограноци.
На средбата која започна по 14 часот, пристигнати се и дел од локалните лидери на партијата, но изостануваат членовите на т.н. „Огнена група“, кои од 24 септември јавно побараа реформи во ДУИ.
Членовите на Претседателството не дадоа изјави пред почнување на состанокот кога пристигнаа во партискиото седиште.
Според извори во партијата, членовите на т.н. „Огнена група“ го откажале учествово на оваа партиска средба.
На 4. октомври „Огнена група“ имаше повеќечасовна средба со претседателот на Демократската унија за интеграција (ДУИ), Али Ахмети, по што беше најавено дека утре 15 октомври ќе има Централно собрание на партијата на која што беше најавено дека ќе се избере ново претседателството.
ДУИ утре треба да изберат генерален секретар, организационен секретар и новите потпретседатели, со мандат до следниот конгрес.
МИА/Фото: ДУИ