Советот на јавни обвинители на денешната вонредна седница едногласно ја разреши специјалната јавна обвинителка Катица Јанева, која е третоосомничена за случајот „Рекет“ и се наоѓа во притвор.
За нејзино разрешување гласаа сите осум пристуни членови на Советот на вонредната седница.
-Советот на јавни обвинители на денешната седница едногласно одлучи да ја разреши од функцијата специјален јавен овинител Катица Јанева поради нестручно, незаконско и несовесно работење, изјави претседателот на Советот на јавни обвинители Ацо Колевски по завршувањето на седницата.
Тој посочи дека в понеделник ќе продолжи седницата на која ќе се расправа за обвинителите во Специјалното јавно обвинителство (СЈО) кога ќе биде констатиран престанок на нивниот мандат.
Одлуката за разрешување на Јанева, додаде, стапува на сила со денешниот ден и ќе биде објвена во службените гласила.
Мандатот на специјалната јавна обвинителка Катица Јанева истекува утре, 15 септември.
МИА
ПОВРЗАНИ ВЕСТИ