Министерот за внатрешни работи Оливер Спасовски потсети дека и покрај најновите мерки кои почнуваат од среда имаме забрана на групирање на повеќе лица од четири и има посебни протоколи за организација на настани што би се одвивале на отворен простор и сите мерки треба да се почитуваат.
Тој најави дека МВР веќе подготвува посебни планови за Велигденските и првомајските празници и упати апел до сите граѓани да се придржуваат до мерките.
„Оваа година се порелаксирани мерките од минатата година, но состојбата не е порелаксирана. Имаме сериозна состојба и треба да останеме сериозни и одговорни во овој дел. Затоа апелирам достоинствено да ги поминеме сите овие празници.
Да празнуваме во кругот на нашите семејства, да не се групираме во верските храмови и објекти“, порача Спасовски.
ПОВРЗАНИ ВЕСТИ
МИА/Фото:Влада