Обвинителката Елизабета Јосифовска од Специјалното јавно обвинителство денеска била повикана во Јавното обвинителство каде дала исказ за случајот „Рекет“.
Државниот обвинител Љубомир Јовевски потврди дека обвинителката Елизабета Јосифовска е сослушана пред надлежен јавен обвинител.
Јосифовска претходно потврди дека таа го потпишала позитивното мислење за враќање на пасошот на осмоничениот во „Империја“, Орце Камчев, но појасни дека одлука била на Јанева и таа како нејзина заменичка била должна да ја потпише, бидејќи ја заменувала додека била на одмор.
Во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“, беа споменати СЈО, Катица Јанева и обвинителката од СЈО, Лиле Стефанова.
Стефанова, која го води предметот „Империја“, е повикана утре во Јавното обвинителство да даде исказ за случајот „Рекет“, додека специјалната јавна обвинителка Катица Јанева која е вратена од годишен одмор и од денеска е официјално на работа, засега не е повикана да даде исказ во Јавното обвинителство.
МИА
ПОВРЗАНИ ВЕСТИ
Јовески не открива дали и кога Катица Јанева ќе даде исказ за „Рекет“
Продолжи судењето за „Титаник“: Одбиено барањето за одложување поради „Рекет“ и оставката на Јанева
Заврши судската ферија: СЈО ќе „тера“ со судските предмети и ќе одговара за „Рекет“