Српското издание на магазинот Глорија објави дека српската премиерка Ана Брнабиќ (43) и нејзината неколку години помлада партнерка, д-р Милица Ѓурѓиќ, наскоро ќе станат родители.
Тие се заедно осум години.
Според Глорија, Ѓурѓиќ се подложила на вештачко оплодување и поради бременоста веќе неколку месеци не се појавувала во јавноста со Брнабиќ.
Од Клиничкиот центар на Србија, од Центарот за радиологија и магнетна резонанца каде што работела, е потврдено дека Ѓурѓиќ отишла на трудничко боледување.
„Премиерката останува при ставот да не зборува јавно за приватни работи. Во секој случај, благодариме на убавите желби“, кажале за Глорија од кабинетот на премиерката, кога се јавиле за да ѝ честитаат на Брнабиќ и нејзината партнерка.
Фото: e-stock.us/Danijel Milutinovic