Граѓаните стекнаа колективен имунитет поради природното заразување, а не поради вакцините, вели за телевизијата Алфа, микробиологот д-р Никола Пановски.
– Со оглед на тоа што мерките беа доцна донесени, многу голем дел од населението доби контакт со вирусот, некој го поминаа без симптоми некои не знаеја дека го имаа и некои завршија во болница.
Според сите проценки, околу 60 проценти го имаат прележано вирусот и повеќето по природен пат, и за жал доста скапо го плативме тој природен имунитет имајќи ги предвид жртвите и пост ковид синдромите, рече Пановски.
Тој вели дека добар дел од населението веќе е имуно на пандемијата, но дека и топлото време има влијание за намалување на бројките.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.