Стопанската комора на Македонија апелира до компаниите што произведуваат заштитни маски да ги достават до Комората основните информации поврзани со нивната продажба, цени, количини, период и начин на испорака.
„Стопанската комора бесплатно ќе ги постави овие информации на соодветно место на својата интернет-страница и со тоа ќе овозможи полесно да се сретнат понудата и побарувачката на заштитни маски на домашниот пазар.
Kомпаниите што сакаат да набават и бесплатно да им дадат заштитни маски на своите вработени, тоа ќе можат поедноставно да го направат. На тој начин и компаниите ќе работат и работниците ќе бидат подобро заштитени,“ се вели во соопштението на Комората.
Од таму потсетуваат дека експертите од медицината посочуваат дека користењето на заштитни маски значително го намалува ризикот од пренесување на корона вирусот.
Носењето маски е препорачано и станува задолжително за одредени ситуации во секојдневниот живот, а процесот на своевидна нормализација на македонската економија најверојатно ќе вклучува и нивно користење.
ПОВРЗАНИ ВЕСТИ