Мотивацијата на студентите е секогаш приоритет за Мајкрософт во Македонија. Иновативноста и развојот на технолошките способности на младите се придобивка од постојаните работилници и обуки кои се организираат во државата. Годинава, како и изминатата, се надградува соработката помеѓу партнерите ФИНКИ, ФИНКИ Tech Клубот и Мајкрософт Македонија во делот на едукацијата.
Работилницата на тема „Serverless Computing on Azure“ која викендов се оддржа во амфитеатарот на ФИНКИ ги запозна студентите од сите четири години за тоа како функционира новиот напредок на Мајкрософт кој овозможува работење од еден компјутер на повеќе сервери и притоа го намалува времето за работа.
На агендата беа предавањата на Дарко Милески и Миле Грујовски кои подолго време работат како програмери.
Милески вели дека овие предавања им помагаат на студентите да го намалат времето за креирање на одлични апликации бидејќи сега новите иновации како што се „Serverless Computing“ преку „Cloud“ помагаат да се работи во речиси реално време.
Овој чекор кон поголема ефикасност им остава простор на програмерите за повеќе истражување и надградување отворајќи им го патот кон откривање на нови чекори кои ќе помогнат во напредокот на ИТ светот.
Ваквиот начин на функционирање и создавање на апликации со кои се решаваат реалните проблеми дава до знаење дека технологијата го шири својот спектар на решенија за одредени проблеми, а воедно оспособува нови млади лица кои ќе се вклучат во IT светот.
КОМЕРЦИЈАЛНА ОБЈАВА
Важно известување
Посети ја новата страница