еМагазин
Image default
Македонија

Судење за „Титаник“: Јанакиески бара гласачи за Општина Центар во администрација, фирми, такси-компании

Со преслушување на „бомби“ денеска во Кривичниот суд во Скопје продлолжи судењето за предметот на СЈО „Титаник“, а на денешното рочиште судијата Осман Шабани утврди дека се присутни сите обвинети.

На денешното рочиште се преслушуваат снимени разговори од 26 март 2013, неколку дена по локалните избори. На една снимка се слуша како, Миле Јанакиески бара списоци од избирачки места и анализи за излезеност по години и изборни циклуси во Општина Центар.

Во еден од разговорите Јанакиески, од женска личност, бара список на вработени во јавна и државна администрација што живеат во Центар. Откако таа го прашува како да им каже од околу, Миле и вели „директно, како од околу, војна е во Центар“.

Од разговорите се слуша како Миле Јанакиески, освен администрација, акцијата ја организира и по фирми, такси компании, лица што користеле грантови за самовработување, луѓе што ги знаат, како продуценти и други „гласачи од Центар“, каде може да се притисне за гласови. Јанакиески, во еден од разговорите, објаснува дека прават база на 15.000 гласачи кои ќе го поддржат Тодоровиќ во општина Центар.

Досега во „Титаник” се преслушани околу 700 „бомби”, од над 1.000 предложени од СЈО.

Во „Титаник“ се обвинети поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Доктор Софијанова: Ковид-19 го заспа имунолошкиот систем кај децата, и тоа веројатно е причината за респираторните инфекции во лето

Редакција

Нема пријавено случај на рекет или уцена кај членките на Стопанската комора на северозападна Македонија

Редакција

Мицкоски најпопуларен политичар, втор Ахмети, трет Димитриевски

Редакција
Close

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница